Plastmagn í sjónum gæti þrefaldast á áratug

Mynd tekin úr geimnum í janúar af skýjafari yfir Atlantshafinu.
Mynd tekin úr geimnum í janúar af skýjafari yfir Atlantshafinu. AFP

Plastmagn í sjónum mun þrefaldast á næsta áratug verði ekkert að gert. Þetta er niðurstaða nýrrar skýrslu sem unnin var fyrir stjórnvöld í Bretlandi.

Plastmengun er aðeins einn ógna sem steðjar að sjónum, aðrar eru m.a. hækkandi yfirborð sjávar, hlýnun hafsins og annars konar mengun, segir í skýrslunni sem ber heitið Foresight Future of the Sea Report.

Skýrsluhöfundar segja hins vegar að leynist tækifæri í hafhagkerfinu, eins og það er orðað. Er því spáð að það muni tvöfaldast fyrir árið 2030.

Meiri þekkingar á hafinu er þörf að mati skýrsluhöfunda sem segja að fara ætti í hafverkefni af af sama áhuga og forvitni og geimferðarverkefni.

Í hafinu er matarkista framtíðar en einnig er þar að ...
Í hafinu er matarkista framtíðar en einnig er þar að finna efni sem nýtast til lyfjagerðar, jafnvel til lækningar á krabbameini. AFP

Skýrslan er tekin saman af sérfræðingum til að upplýsa ráðherra bresku stjórnarinnar um stöðu í málefnum hafsins til skemmri og lengri tíma litið. Í henni er m.a. hvatt til þess að ráðuneyti taki sig saman um regluverk sitt er tengist hafinu.

Einn höfundanna, sérfræðingur bresku Hafrannsóknarstofnunarinnar Edward Hill, segir að hafið sé gríðarlega mikilvægt efnahagslegri framtíð manna. „Níu milljarðar manna munu horfa til hafs eftir mat í náinni framtíð. En samt vitum við svo lítið hvað er þarna niðri.“

Hann segir að mikill áhugi og miklir fjármunir séu settir í það að rannsaka geiminn, þar sé þó fátt sem minni á líf. „Hafsbotninn er iðandi af lífi,“ bendir hann á og nauðsynlegt sé að efla rannsóknir á honum.

Höfundar skýrslunnar segja að það sé til mikils að vinna að halda mengun í hafinu í lágmarki. Hafið sé matarkista nútíðar og framtíðar og líffræðilegur fjölbreytileiki sé lykilatriði í því efni.

Frétt BBC um málið.

mbl.is
Til sölu Mazda MPV
Árg. 2005, ekinn 73.323 mílur bremsur þarfnast smá viðgerðar Tilboð Uppl. í sí...
SUMARHÚS - GESTAHÚS - BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Stórar kjarrivaxnar útsýnislóðir
í skjólgóðri hlíð mót suðri í Hvalfirði, 55 km frá Rvík. Frábært útsýni. Heitt v...
straumbreytir
vantar straumbreyti 750 wött simi 8685829...
 
Aðalfundur
Fundir - mannfagnaðir
Aðalfundur Eflingar - stéttar...
Eldri borgarar
Staður og stund
Aflagrandi 40 Opin vinnustofa kl. 9 og j...
Félagsstarf
Staður og stund
Aflagrandi 40 opin vinnustofa kl. 9 og f...
Menning
Listir
Musicians The Akureyri Culture Society ...