Viktor Örn Andrésson, landsliðskokkur og kjúklingameistari, er gestur í eldhúsi Matarvefjarins næstu miðvikudaga. Hér kennir hann okkur að elda stórkostleg kjúklingaspjót sem svíkja engan. Sjálf hef ég gert þau nokkrum sinnum og er á því að þetta sé bestu kjúklingaspjót sem ég hef smakkað! Gestirnir munu gráta þegar þeir bragða á þessari snilld.
Sósan:
150 g hnetusmjör
1 dós kókosmjólk
40 g sojasósa
1 tsk. chillímauk (paste)
1 tsk. grænt karrý
1 lime – safinn
1/2 búnt kóríander, saxað
Allt sett í blandara nema kóríanderið. Það fer út í eftir að búið er að blanda. Ath. sósa þykkist þegar hún kólnar.
Best er að marinera kjúklinginn í sólarhring í sósunni.
Annað:
Kjúklingalundir, 100% Holtakjúklingur (lundir þræddar upp á spjót) eða leggir
1 búnt vorlaukur
1 dl saxaðar kasjúhnetur til að strá yfir spjótin áður en þau eru borin fram
Spjót
Saltið áður en grillað er