Gourmet pítsa sem gleður hjartað

Pizza með heilhveitibotni, ricotta og grænkáli.
Pizza með heilhveitibotni, ricotta og grænkáli. mbl.is/Columbus Leth

Stundum kallar kroppurinn á eitthvað hollt – hann heimtar eitthvað annað en rjómasósu. Þá er tilvalið að fá sér pizzu með grænkáli og ricotta-osti, sem er líka svona glettilega gott.

Girnilega holla pizzan

  • 2 heilhveiti pizzadeig
  • Ólífuolía
  • 250 g cherry tómatar
  • 300 g grænkál
  • 1 msk. ólífuolía
  • Salt og pipar
  • Chiliflögur á hnífsoddi
  • 250 g ricotta

Ofan á:

  • 100 g parmesan
  • 1 sítróna

Aðferð:

  1. Hitið ofninn á 200°.
  2. Leggið pizzadeigin á bökunarpappír á bökunarplötu.
  3. Skolið tómatana og skerið í báta.
  4. Steikið tómatana upp úr olíu í nokkrar mínútur á heitri pönnu. Slökkvið undir og bætið við salti, pipar, chiliflögum, rifnum sítrónuberki og grænkáli. Blandið vel saman.
  5. Smyrjið pizzabotnana með ricotta og dreifið blöndunni af pönnunni jafnt á pizzadeigin.
  6. Bakið við 200° í 15 mínútur þar til botninn er orðinn stökkur.
  7. Berið fram með grófrifnum parmesan og fínrifnum sítrónuberki. Upplagt er að gera einnig tómatasalat til að njóta með.
mbl.is