Matur | mbl | 29.9.2018 | 14:35

Súkkulaðikleinuhringir sem krakkarnir elska

mbl.is/Hjördís Dögg Grímarsdóttir

Mömmur.is er með skemmtilegri vefsíðum á landinu en þar er að finna aragrúa snjallra hugmynda og skemmtilegra uppskrifta. Það er Hjördís Dögg Grímarsdóttir sem er konan á bak við síðuna og hér fáum við hjá henni frábæra uppskrift að súkkulaðikleinuhringjum sem eru í sérstöku uppáhaldi hjá krökkum.

Bloggið hennar Hjördísar er hægt að nálgast HÉR.

Súkkulaðikleinuhringir

150 g hveiti
6 msk. rjómi frá Gott í matinn
80 g suðusúkkulaði
80 g mjólkursúkkulaði
Súkkulaðihjúpur:
1 dós Óskajógúrt með jarðarberjum (180 g)
2 stk. egg
1 tsk. vanilludropar
60 g smjör (brætt)
2 msk. sykur
60 g púðursykur
Salt á hnífsoddi
1 tsk. lyftiduft
½ tsk. matarsódi
40 g kakó
Kökuskraut til að skreyta hvern kleinuhring.

Aðferð:

Hveiti, kakó, lyftiduft, matarsódi og salt sett saman í skál.
Bræddu smjöri, jógúrt, vanilludropum og eggjum blandað vel saman og þurrefnunum síðan blandað saman við.
Blandan er sett í sprautupoka og síðan sprautuð í sérstök kleinuhringjamót. Það er einnig hægt að búa til kleinuhringjalögun með því að nota bollakökubökunarmót og nota álpappír til að gera gat í hvern hring.
Kleinuhringirnir eru bakaðir við 170°C blástur í um 12-15 mínútur.
Súkkulaðhjúpurinn er búinn til með því að bræða súkkulaðið yfir vatnsbaði og hræra rjóma saman við til að þynna hjúpinn.
Hverjum og einum kleinuhring er dýft í súkkulaðihjúpinn og kökuskrauti sáldrað yfir.