• Entecote nautasteik, dry aged
• Ólífuolía
• 2-3 msk smjör
• 2 hvítlauksrif
• 2 greinar timían
• Salt og pipar

Nuddið sjávarsalti á kjötið. Kryddið með pipar. Hitið olíu og smjör á pönnu. Þegar pannan er orðin vel heit setjið nautakjötið á pönnuna og steikið í 2-4 mínútur á hvorri hlið eftir því hvernig steikingu þið óskið eftir. Þrjár mínútur á hvorri hlið gefa meðalsteikingu. Bætið timían og hvítlauk út á pönnuna. Takið af pönnunni og látið standa í 5 mínútur áður en steikin er borin fram, gerið sósuna á meðan.

Stökkar smáfranskar

• 4 bökunarkartöflur
• 60 ml grænmetisolía
• Sjávarsalt
• Pipar
• 1 tsk hvítlauksduft

Skerið kartöflurnar niður í tannstöngla. Setjið smjörpappír á 2 ofnplötur og setjið vel af olíu yfir smjörpappírinn. Setjið kartöflurnar í skál og hellið olíu yfir og kryddið með hvítlaukskryddi, pipar og sjávarsalti. Dreifið vel úr kartöflunum á ofnplötunum og látið þær snertast sem minnst. Bakið í 210°c heitum ofni í 30 mínútur eða þar til kartöflurnar eru orðnar stökkar. Takið úr ofni og stráið sjávarsalti yfir.

Sósa

• 250 ml rjómi
• 1 tsk nautakraftur
• 1 msk sojasósa
• ½ -1 msk sulta

Notið pönnuna sem þið steiktuð kjötið í og hellið rjómanum út á pönnuna og hitið við meðalhita. Skrapið upp úr botninum af pönnunni svo það blandist vel við rjómann. Bætið nautakrafti saman við. Smakkið til með sojasósu og sultu.