Athugið að myndin er ekki af uppskriftinni heldur annarri sambærilegri.
Ljósmynd/Colourbox
Til er sú uppskrift sem sögð er bæði bragðgóð og grennandi. Svo góð að kona nokkur í Ástralíu létti sig um heil 55 kíló með breyttu mataræði og þakkar þessari uppskrift fyrir það.
Smjörkjúklingurinn góði
Í hverjum skammti eru 446 hitaeiningar
Fyrir fjóra
- 400 g kjúklingalæri frá Ali
- 1 laukur
- 2 hvítlauksgeirar
- 2 tsk. túrmerkikduft
- 1 msk. karrýduft
- 2 msk. tómatmauk (e. paste)
- 1 msk. extra-virgin ólífuolía
- 1/3 bolli (80 ml) kjúklingasoð
- 1/3 bolli (80 ml) fituskert kókosmjólk
- 1/2 bolli basmati hrísgrjón (óelduð)
- 2 bollar grænar baunir (ekki niðursoðnar)
- 2 bollar brokkólí
- 1/3 bolli ferskt saxað kóríander
Aðferð:
- Skerið kjúklinginn í bita. Blandið saman lauk, hvítlauk, túrmerik, karrýdufti og tómatmauki í blandara og maukið vel saman.
- Setjið vatn út í blönduna ef þarf. Hitið olíu á pönnu og steikið kjúklinginn.
- Setjið kryddmaukblönduna út á kjúklinginn og steikið í nokkrar mínútur.
- Bætið þá við soðinu og blandið vel saman við annan vökva.
- Bætið þá við kókosmjólkinni.
- Lækkið undir pönnunni og eldið í 20-25 mínútur. Á meðan skal sjóða hrísgrjónin samkvæmt leiðbeiningum.
- Skerið brokkólíið niður og gufusjóðið með baununum.
- Berið kjúklinginn fram með hrísgrjónunum og gufusoðna grænmetinu og stráið söxuðu kóríander yfir.