Kjúklingur í spicy-mangósósu

Fyrir 3-4

• 1/2 rauðlaukur, saxaður
• 2 hvítlauksrif, smátt söxuð
• 1/2 púrrulaukur, sneiddur
• 1 paprika, smátt skorin
• 2 msk. ólífuolía
• 3 dl rjómi
• 1 tsk. sambal oelek
• 2-3 msk. mango chutney
• salt og pipar
• 3-4 kjúklingabringur
• rifinn ostur

Leiðbeiningar

1. Látið olíu á pönnu og steikið grænmetið í 2-3 mínútur við meðalhita eða þar til það er farið að mýkjast.
2. Bætið rjóma, sambal oelek og mango chutney út á pönnuna og smakkið til með salti og pipar. Látið malla við vægan hita í 3-4 mínútur.
3. Brúnið kjúklingabringurnar á báðum hliðum.
4. Látið kjúklingabringurnar í ofnfast mót og hellið sósunni yfir.
5. Setjið rifinn ost yfir allt og eldið í 180 °C heitum ofni í 20-25 mínútur eða þar til bringurnar eru eldaðar í gegn.
6. Mér finnst gott að láta á grill í 1-2 mínútur til að brúna ostinn.
7. Berið fram með hrísgrjónum eða pasta og einföldu salati.