Katrín Björk Birgisdóttir, naglafræðingur og einkaþjálfari, birti í vikunni myndskeið á Youtube-rás sinni þar sem hún sýnir skref fyrir skref hvernig hún verslar kvöldmat fyrir heila viku og eldar ofan í fjögurra manna fjölskyldu fyrir aðeins 6.407 krónur, sem verður að teljast nokkuð vel sloppið. 

Myndskeiðið hefur vakið athygli þar sem Katrín leiðir áhorfendur í gegnum búðarferð í matvöruversluninni Bónus og sýnir þá hluti sem hún keypti inn fyrir máltíðirnar. Í leiðinni gefur hún áhorfendum nokkur góð sparnaðarráð sem nýtast vel nú þegar verðbólga er í hæstu hæðum.

Frétt af mbl.is

Verðbólgan komin yfir 10%

Rúmar 6 þúsund krónur entust í meira en viku

„Ég er mjög spennt fyrir þessu. Við ætlum að elda sex kvöldmáltíðir fyrir fjögurra manna fjölskyldu, mig, manninn minn og börnin mín tvö. Við ætlum að elda góðar og heilsusamlegar máltíðir með próteini og öllu tilheyrandi í sex daga,“ segir Katrín í byrjun myndskeiðsins. 

Þetta tókst Katrínu að gera fyrir hvorki meira né minna en 6.407 krónur, en eftir að hafa eldað allar máltíðirnar sex átti fjölskyldan afganga sem nýttust sem kvöldmáltíðir í tvo daga til viðbótar. 

Eldaði sex mismunandi máltíðir

Katrín eldaði þrjár máltíðir með kjúklingi, en hún keypti heilan frosinn kjúkling sem vó 1,7 kíló. Fyrsta daginn bar hún fram steiktan kjúkling með öllu tilheyrandi. Síðar í vikunni gerði hún kjúklingaburrito og að lokum kjúklinganúðlusúpu. 

Þá eldaði hún einnig þrjár máltíðir með hakki, en hún keypti frosið hakk. Úr hakkinu gerði hún svokallað TikTok-pasta, spagettí og hakk og taco-skálar. 

Tengdar fréttir

Fjármál

10 sparnaðarráð fyrir fermingarveisluna

• Sparaði með að hætta að nota kort
• 10 sniðugustu sparnaðarráðin í dag
• Sverrir Norland orðinn bankamaður
• Þetta eru 6 verstu sparnaðarráðin

» Fleiri tengdar fréttir

• Blogga um frétt