Ingibjörg Hanna Bjarnadóttir hönnuður hefur sett íbúð sína við Blönduhlíð á sölu. Ingibjörg Hanna hannaði krummann sem sló í gegn þegar hann kom á markað og prýðir hann fjölmörg heimili landsmanna.
Íbúðin hennar Ingibjargar Hönnu er 89 fm að stærð, fjögurra herbergja og stendur í húsi sem byggt var 1950. Heimilið er einstakt á allan hátt en hönnuðurinn á ekki í vandræðum með að gera fallegt í kringum sig eins og sést á þessum myndum.
Árið 2014 fór Smartland í heimsókn til Ingibjargar Hönnu. Síðan þá hefur hún breytt heilmiklu eins og sést á myndunum.