Smartland Mörtu Maríu | Morgunblaðið | 10.6.2020 | 6:00

Förðun sem endist allan sólarhringinn

Svona lítur sumarförðunin út hjá Urban Decay. mbl.is/Arnþór Birkisson

Elín Hanna förðunarfræðingur hjá Urban Decay veit hvernig við eigum að farða okkur í sumar, en í þessa förðun notaði hún vörur frá Urban Decay.

Förðunarmeistarinn Elín Hanna veit hvernig við eigum að farða okkur í sumar.

„Við viljum allar hafa förðunina einfalda en endingargóða í sumar og því er um að gera að nota vörurnar okkar á fleiri en einn hátt til að taka sem minnst með okkur í útilegurnar. Raki og ljómi gefa okkur fallegasta grunninn fyrir förðun,“ segir Elín Hanna. Hún notar All Nighter-farðagrunninn sem fyllir húðina raka, jafnar yfirborð hennar og veitir ljóma. „Farðagrunninum má jafnvel blanda við farðann og/eða hyljarann okkar til að fá létta og eðlilega áferð. Fyrir mikla og góða endingu nota ég svo Stay Naked-farðann og hyljarann sem jafna bæði litarhátt og yfirborð húðar, endast í allt að 24 tíma og eru vatnsheldir. Þetta er því skothelt kombó fyrir útiveru á Íslandi þar sem veðrið getur verið óútreiknanlegt.“

Þessi farði er mjög náttúrulegur með fallegri áferð.

Hyljarar gera kraftaverk.

All Nighter púðrið er fullkomið þegar við viljum vaka allan sólarhringinn í björtum sumarnóttum.

Elín Hanna festir svo förðunina með All Nighter-púðrinu og skyggir með Threesome-skyggingarpallettu sem inniheldur sólarpúður, highlighter og kinnalit.

„Létt augnförðun er í tísku í sumar. Ég mæli með að leggja áherslu á góðan augnskuggagrunn og nota svo sólarpúður eða kinnalit sem augnskugga. Það tekur minna pláss í töskunni og gefur létta, ferska og ljómandi áferð á augun. Brow Blade, tvöfaldi augabrúnapenninn, er ein af vinsælustu vörunum í merkinu. Ég nota hann bæði til að skerpa augabrúnir, sem eyeliner til að ramma inn augun og til að teikna freknur í andlitið.“ Til að fullkomna augnförðunina notar hún svo maskaragrunn og vatnsheldan maskara. Með þessari tvennu haggast maskarinn ekki, jafnvel ekki í náttúrulaugunum eða í rigningu og roki.

Sólarpúður frá Urban Decay kemur í þremur litum.

Primer undir augnskugga gerir það að verkum að förðunin endist lengur á.

Hi-Fi glossin frá Urban Decay eru fantagóð.

„Léttur litur og glossaðar varir gera svo mikið fyrir förðunina, Hi-Fi-glossin gefa ekki bara gljáa heldur rakafylla varirnar og hafa kælandi áhrif á þær,“ segir Elín Hanna sem notar glossin stundum á kinnbeinin fyrir bjartari förðun.

Í blálokin endar Elín Hanna alla förðun á því að spreyja All Nighter setting-spreyinu yfir allt andlitið. „Spreyið gefur einstaka endingu með því að festa förðunina í allt að 16 tíma, það dregur úr olíumyndun og blandar förðunina fullkomlega.“