Stemningin var gríðarleg þegar kvikmynd Hlyns Pálmasonar, Volaða land, var frumsýnd í Bíó Paradís í gærkvöldi. Myndin hefur vakið athygli um allan heim. Nú er hún loksins komin í íslensk kvikmyndahús en myndin var tilnefnd til Kvikmyndaverðlauna Norðurlandaráðs á síðasta ári. 

Guðmundur Birkir Pálmason, kírópraktor og áhrifavaldur, lét sig að sjálfsögðu ekki vanta á frumsýninguna og mætti ásamt unnustu sinni Línu Birgittu Sigurðardóttir athafnakonu, því Guðmundur og Hlynur eru jú bræður. 

Volaða land fékk fimm stjörnur hjá gagnrýnanda Morgunblaðsins á síðasta ári. Ítarlegt viðtal við Hlyn má lesa í Morgunblaðinu í dag, en hann er gestur Ragnheiðar Birgisdóttur í Dagmálum á þriðjudag í næstu viku.