Edda Falak byrjar með nýja hlaðvarpsþætti í mars og mun hún því hætta með hlaðvarpsþættina Eigin konur.
Edda greinir frá þessu á Instagram-síðu sinni.
Nýju þættirnir verða þeir sýndir á Heimildinni, sem er nýr sameinaður fjölmiðill Stundarinnar og Kjarnans. Fyrsti þáttur kemur út í mánuðinum.
Í síðasta mánuði tilkynnti Edda að breytingar yrðu á Eigin konum, en síðasti þáttur kom út 15. desember 2022.
„Síðasta ár hefur verið eitt mest krefjandi ár lífs míns. Eigin konur hafa verið alveg ótrúlega lærdómsríkt ferli og góðir tímar en það hefur líka verið mjög þungt að halda á þessum málaflokki ein,“ skrifar Edda á Instagram.
Edda stofnaði hlaðvarpið í mars árið 2021 með Fjólu Sigurðardóttur. Fjóla steig til hliðar í september árið 2021.