Það er fátt meira pirrandi á næturnar en hrotur. Svo ef þú vilt koma í veg fyrir skilnað eða að þér verði ekki boðið með í sumarbústaðarferð með vinunum er eins gott að reyna allt til þess að koma í veg fyrir hroturnar. Á vef Mirror er hægt að finna nokkur góð ráð.
Viðhalda réttri þyngd og góðu mataræði
Að reyna að halda sér í kjörþyngd er gott ráð þegar hrotur eru annars vegar.
Sofa á hliðinni
Það er þekkt að það að sofa á bakinu ýtir undir hrotur.
Forðast áfengi fyrir svefn
Það er nánast alltaf hægt að kenna áfengi um öll vandamál og það á líka við um hrotur.
Hætta að reykja
Það hefur slæm áhrif á heilsuna að reykja og því þarf ekki að koma á óvart að reykingar ýti undir hrotur.
Hrein nefgöng
Þegar við förum að anda meira með munninum í svefni getum við byrjað að hrjóta.
Nota tennisbolta
Ef þú rúllar alltaf yfir á bakið þegar þú reynir að sofa á hliðinni er sniðugt að sauma tennisbolta við náttfötin þannig að það sé óþægilegt að velta sér yfir á bakið.
Æfingar með tungunni
Til eru æfingar sem eru sagðar hjálpa fólki að koma í veg fyrir hrotur. Þetta getur til dæmis verið að ýta tungunni upp í efri góminn og renna henni aftur. Sjúga tunguna og ýta upp í efri góminn. Ýta tungunni að framtönnunum og þrýsta henni niður.