Af hverju ákvað Oprah að léttast?

Spjallþáttadrottningin Oprah Winfrey léttist um ein 19 kíló fyrir 4 árum með aðstoð samtakanna Weight Watchers. Í nýlegu bréfi frá Winfrey til liðsmanna samtakanna greinir hún frá því af hverju hún ákvað að taka heilsuna föstum tökum. 

Í bréfinu segir Winfrey frá því að læknar hefðu sagt henni að hún væri líkleg til að greinast með sykursýki á næstu árum ef hún myndi ekki taka málin í sínar hendur. Nú kemur hún vel út úr öllum mælingum og er ekki í áhættuhópi fyrir sykursýki.

Hún segist einnig vera ótrúlega þakklát fyrir að hafa byrjað í Weight Watchers, en hún á hlut í samtökunum í dag. Auk þess að léttast og ná tökum á heilsunni lærði hún að tileinka sér heilbrigðan lífsstíl og einblína á tölurnar sem skipta máli. 

Oprah Winfrey léttist um 19 kíló fyrir 4 árum. mbl.is/AFP

• Blogga um frétt