Ef þér finnst mikið súkkulaði, hnetusmjör og banani gott þá ættir þú að prófa þennan ríkulega kollagensjeik sem fer svo vel með okkur. Bæði andlega og líkamlega! Þessi sjeik er ekkert í líkingu við megrunarduftið sem fólk píndi í sig á níunda og tíunda áratugnum. Þessi sjeik er nefnilega sannkölluð súkkulaðiveisla sem hægt er að framkalla heima hjá sér. 

Ef þú vilt leggja ofuráherslu á heilsuna akkúrat núna þá væri ekki óvitlaust að drekka einn sjeik á dag. Þessi er til dæmis kjörinn sem hádegismatur eða kvöldmatur. Það er tilvalið að skella í einn svona ef þú ert heima hjá þér hvort sem er. Þessi sjeik er bragðmikill, sætur og mjúkur. 

1 bolli vatn

12 möndlur

2 msk. kollagen frá Feel Iceland

2 msk. hnetusmjör

2. msk. hreint kakó (má vera meira)

1/2 frosinn banani

Byrjaðu á því að þeyta saman vatn og möndlur til að búa til möndlumjólk. Þá er hinum hráefnunum bætt út í og hrært vel saman. Gott er nota frosna banana til að kæla drykkinn örlítið og svo er sniðugt að venja sig á að setja alltaf banana í frysti ef þeir eru komnir á síðasta söludag. Þannig minnkum við matarsóun og förum betur með peningana okkar. 

Tengdar fréttir

Kollagen

„Við borðuðum roð, gerðum beinasoð og borðuðum skinnið“

• Þetta gerir Jana til þess að verða sjaldan veik
• „Það er bara þannig að prótein brennir fitu“
• „Maður segir ekki við sjálfan sig að maður sé fáviti“
• Elísa Viðarsdóttir borðar próteinríkan morgunverð og sælgæti í hófi

» Fleiri tengdar fréttir

• Blogga um frétt