Margrét Leifsdóttir, heilsumarkþjálfi og arkitekt, hefur þungar áhyggjur af mikilli neyslu fólks á gervisykri. Hún segir frá þessu í heilsuþáttum sem unnir eru í samvinnu við Feel Iceland. Margrét segir að það þurfi að hugsa um heilsuna heildrænt en eitt af því sé að fólk sýni sjálfu sér mildi. 

„Ég legg mikið upp úr samskiptum við okkur sjálf. Ef maður ætlar að gera eitthvað varðandi góða heilsu er að koma vel fram við sig. Maður segir ekki við sjálfan sig að maður sé fáviti og ómöguleg. Maður talar við sig eins og maður sé að tala við sína bestu vinkonu. Maður reynir að vera dálítið peppandi,“ segir Margrét. 

Hún segir að ef hún borði eitthvað sem sé ekki gott fyrir hana sjálfa þá dragi hún sig ekki niður í svaðið. 

„Ef maður borðar eitthvað sem maður á ekki að borða þá segir maður bara, koma svo. Það kemur dagur eftir þennan dag. Þetta var áhugavert og ég naut þess, þetta var sjúklega gott, en mér leið kannski ekki rosalega vel á eftir. Ég ætla að bíða með að gera þetta eitthvað í bráð,“ segir Margrét.

Talið berst að gervisykri. Margrét segist hafa þungar áhyggjur af neyslu hans hjá fólki í dag. 

„Það er verið að tengja gervisykur við alls konar sjúkdóma. Hann hefur slæm áhrif á hormónakerfið og ýtir undir insúlínónæmi til dæmis. Hann hefur áhrif á þarmaflóruna okkar en hún er undirstaða góðrar heilsu,“ segir Margrét. 

Tengdar fréttir

Kollagen

„Við borðuðum roð, gerðum beinasoð og borðuðum skinnið“

• Þetta gerir Jana til þess að verða sjaldan veik
• „Það er bara þannig að prótein brennir fitu“
• Elísa Viðarsdóttir borðar próteinríkan morgunverð og sælgæti í hófi
• Alexander Petersson hætti að borða hveiti og pasta til að bæta heilsuna

» Fleiri tengdar fréttir

Heilsurækt

Þetta vilja töffarar landsins fá í sumargjöf

• Tók á því í leðurbuxum
• „Tárin hættu bara ekki að streyma“
• Margir draga úr félagslegri virkni vegna grindarbotnseinkenna
• „Mér finnst ég aðeins tengdari guði og jörðinni“

» Fleiri tengdar fréttir

• Blogga um frétt