Krossviðarplötur eru notaðar á smekklegan hátt í fallegri íbúð í Kópavogi. Hugsað er út í hvert smáatriði í íbúðinni sem er vel skipulögð og smekkleg. Eldhúsið er með hvítri sprautulakkaðri innréttingu og viðarborðplötu. Eyjan í eldhúsinu skilur að stofu og eldhús og skapar gott flæði í íbúðinni.
Gólfin eru öll flotuð, nema baðherbergisgólfið og íbúðin er að mestu hvítmáluð. Húsgögn húsráðanda fá að njóta sín og þegar rýnt er í myndirnar eru mörg skemmtileg smáatriði á heimilinu sem eru eftirtektarverð.