Vinsælasti grínari landsins, Ari Eldjárn, og kona hans Linda Guðrún Karlsdóttir, hafa fest kaup á glæsilegri útsýnisíbúð á Seltjarnarnesi. Fasteignamat íbúðarinnar eru rúmlega 58 milljónir en Ari og Linda borguðu rúmlega 90 milljónir fyrir íbúðina. 

Um er að ræða 174 fm íbúð á besta stað á Seltjarnarnesi eða við Tjarnarstíg 14. Útsýnið úr íbúðinni er framúrskarandi og er íbúðin vel skipulögð og heillandi. Auk þess eru nágrannar ekki af verri endanum. Einn ástsælasti rithöfundur þjóðarinnar, Arnaldur Indriðason, býr í sömu götu eða við Tjarnarstíg 10 ásamt eiginkonu sinni. 

Í eldhúsinu á Tjarnarstíg er hvít sprautulökkuð innrétting og úr eldhúsinu er gengið út á svalir. Stór rennihurð hleypir hafinu beint inn í eldhús. Ekkert hamlar fallegu útsýninu því á svölunum er glerhandrið.