Við Ásaþing í Kópavogi stendur ákaflega huggulegt 257 fm raðhús á tveimur hæðum. Raðhúsið er með innbyggðum bílskúr og stendur á fallegum útsýnisstað. Björgvin Sæbjörnsson, arkitekt á arkitektastofunni Apparat, hannaði húsið að utan og innan.
Ekki er hægt að segja annað en vel hafi tekist til við hönnunina. Eldhúsið er stórt og glæsilegt með risastórri eyju sem skapar notalega stemningu í rýminu. Innréttingarnar eru sérsmíðaðar hjá Fagus og er marmari á borðplötunum.
Á gólfunum er harðparket sem skapar hlýlega og notalega stemningu í húsinu. En húsið er ekki bara búið fallegum innréttingum heldur er heimilið smekklega samansett af vönduðum húsgögnum.