Árið er 1972 þegar viðarklæddir veggir, skrautlegar flísar og risastórir gluggar voru hæstmóðins. Listamaðurinn Úlfur Eldjárn hefur gert þetta hús að sínu með þar sem persónulegur stíll ræður ríkjum.  

Í eldhúsinu er reyndar nýleg innrétting en stíll áttunda áratugarins laumar sér í gegn á sinn sjarmerandi hátt. Húsið er til dæmis málað í undursamlegum litum, gráum og bláum tónum sem passa svo vel við viðinn í loftunum, handriðinu og panilklæddu veggjunum. 

Á neðri hæðinni eru keramikflísar sem koma mjög líklega frá sænska fyrirtækinu Höganäs sem var vinsælt hérlendis og í Skandínavíu á áttunda áratugnum. Þessar flísar eru reyndar að komast í mjög mikinn móð á ný og eftir ár eða tvö munum við sjá flísar í sama stíl í auknum mæli. Munið bara að þið lásuð það fyrst á Smartlandi. 

Af fasteignavef mbl.is: Einarsnes 4