Fólkið á bak við Happie Furniture, þau Hafsteinn Helgi Halldórsson og Guðrún Agla Egilsdóttir, hafa sett glæsilegt einbýlishús sitt á sölu. Húsið er við Hafravatn og umlykur því fallegt náttúra og dýralíf húsið.
Kjartan Árnason hjá Glámu Kím teiknaði húsið en það er byggt á fyrirmynd sem er á Ísafirði. „Við urðum ástfangin af því húsi, hvernig flæðið er inni í því, hvað allir eru saman, það er hægt að tala saman milli hæða en ef einhver vill fá frið þá er hægt að loka dyrum. Upplifunin í húsinu er ótrúleg,“ sagði Hafsteinn Helgi þegar Smartland birti innlit í húsið í sumar.
Innréttingarnar sem eru hannaðar af þeim í Happie Furniture passa fullkomlega við staðsetningu hússins og ramma inn sveit í borg-stemninguna sem ríkir í húsinu.