Gylfi Blöndal leiðsögumaður og Valdís Thor ljósmyndari hafa sett sína fallegu íbúð við Meðalholt í Reykjavík á sölu.
Um er að ræða vel skipulagða 77 fm íbúð sem stendur í húsi sem var byggt 1942. Búið er að endurnýja íbúðina töluvert en í henni er nýlegt baðherbergi og eldhús.
Stíllinn heima hjá Gylfa og Valdísi er afslappaður og frjálslegur. Fallegir litir prýða veggina en eldhúsið er málað í myntugrænum lit sem er í hlýjum tón og stofan er máluð í vatnsbláum lit. Þessir tveir litir kallast vel á við hvor annan.