Skúli Mogensen fyrrverandi forstjóri Wow air býr í einu dýrasta húsi landsins. Ekkert var til sparað þegar húsið var hannað að innan en nú er húsið komið á sölu. 

Um er að ræða 609 fm einbýli sem byggt var 2008. Húsið sjálft er hannað af Studio Granda en að innan kom það í hlut innanhússhönnuðanna Selmu Ágústsdóttur og Grímu Bjargar Thorarensen að hanna húsið. 

Úr húsinu er dásamlegt útsýni út á sjó en að innan mætast fallegur viður, marmari, mósaík, sjónsteypa, fiskibeinaparket og brass. 

Eins og fram kom á mbl.is hefur húsið nú verið sett á sölu í gegnum vefinn Oceanvillaiceland.com og sést þar að um er að ræða fasteign án hliðstæðu.