Við Smáraflöt í Garðabæ stendur ákaflega falleg 202 fm einbýli sem byggt var 1965. Thelma Björk Friðriksdóttir hannaði innréttingar hússins.
Eldhús og stofa tengjast í gegnum borðstofu. Í eldhúsinu er tvílit innrétting. Endaveggurinn er með eikar-innréttingu en eyjan er úr bæsaðri eik. Þessi efniviður spilar vel saman og skapar vandaða og fallega heild. Granít er á borðplötunum og eru vönduð tæki í eldhúsinu frá Miele.
Innréttingar á baði eru líka teiknaðar af Thelmu Björk Friðriksdóttur, en hún er einn eftirsóttasti innanhússarkitekt landins. Verk hennar þykja vel heppnuð og klassísk.
Á gólfum í stofu, eldhúsi og borðstofu er fiskibeinaparket úr eik. Það tónar vel við arininn sem er klæddur með Drápuhlíðargrjóti.
Eins og sést á myndunum er húsgögnum raða saman á fallegan hátt og andar vel á milli húsgagna án þess að heildarmyndin verði kuldaleg.