Við Barmahlíð í 105 Reykjavík hafa Kristján Johannessen, fréttastjóri stafrænna áskrifta á Morgunblaðinu, og Lísa Margrét Sigurðardóttir lögfræðingur búið sér fallegt heimili. Íbúð þeirra stendur í húsi sem byggt var 1947 og er íbúðin sjálf 106.3 fm að stærð.
Íbúðin er á efstu hæð með sérinngangi. Stofan og borðstofa snúa í suður og er sérlega bjart í þeim rýmum. Hægt er að opna út á svalir úr borðstofunni og njóta sólarstunda.
Stórir gluggar hleypa birtunni inn og eru rýmin búin fallegum húsgögnum.
Í stofunni setur antik-skápur svip sinn á rýmið ásamt græna sófanum og gráa PH-ljósinu. Í borðstofunni mætast antik-húsgögn klassískri hönnun. Falleg ljós og listaverk prýða heimilið.
Eins og sést á myndunum er íbúðin sérlega vel skipulögð og fjölskylduvæn.