Arkitektinn Ólafur Þór Hersisson og eiginkona hans, landslagsarkitektinn Sigríður Brynjólfsdóttir, hafa sett heimili sitt í Hvassaleiti á sölu. Um er að ræða 271 fermetra raðhús í húsi frá árinu 1963. 

Raðhúsið er á þremur hæðum og vel skipulagt. Það býður upp á marga möguleika fyrir þá sem eru með auga fyrir innanhússhönnun en sex svefnherbergi eru í húsinu og tvö baðherbergi. Þá eru bæði pallur og svalir og rúmgóður bakgarður.

Í stofunni er stæðilegur arinn með fallegum steinskífum og hlýlegt parket á gólfum. 

Ásett verð er 114.500.000 krónur en fasteignamat hússins er 92.300.000 krónur. 

Af Fasteignavef mbl.is: Hvassaleiti 91.