Þegar dýrasta hús Las Vegas var selt á dögunum vakti athygli að húsið var útbúið fullkominni heimaskrifstofu með sérinngangi. Hönnun hússins, sem stundum kallast VM001, er þannig að það er mjög nútímalegt en í náttúrulegum litum.

Heimaskrifstofan var sett í öndvegi við hönnun hússins því nú hefur kórónuveiran leitt okkur meira inn á heimilið aftur.

Þar sem ferðalög hafa verið takmörkuð að undanförnu hefur almenningur fjárfest í auknum mæli í heimili sínu.

Til að gera góða vinnu- og lærdómsaðstöðu heima þarf að hafa nokkur atriði í huga. Skrifstofan þarf að vera með góðu skrifborði og fallegri lýsingu. Hirslur þurfa að halda utan um það sem ekki má liggja á borðunum og góður vinnustóll getur verið fjárfesting fyrir góða heilsu. Það má finna nóg af fallegum og vönduðum hlutum á heimaskrifstofuna í verslunum landsins.