Við Sléttahraun í Hafnarfirði hefur fjölskylda búið sér til fallega umgjörð. Húsið sjálft var byggt 1960 og er 243 fm að stærð. Það sem er skemmtilegt við þetta heimili er hvað það er lifandi og fortíðinni er gerð góð skil án tilgerðar. Stíllinn er mildur og hlý og umvefjandi.
Í stofunni er til dæmis leðursófasett frá áttunda ártugnum sem sómir sér vel við gluggatjöld sem saumuð voru á svipuðum tíma. Yfir borðinu er hinsvegar koparlitað ljós sem fæst í Epal. Fortíð og nútíð mætast.
Í borðstofunni er að finna stóla eftir Kjarval sem eru úr eik en þar er líka vantað og fallegt gegnheilt borðstofuborð.
Áhugaverð listaverk prýða veggina og stemningin á heimilinu er notaleg. Punkturinn yfir i-ið er svo þessi stóri og myndarlegi garður sem umlykur húsið. Í honum er hægt að færa tilveruna upp um nokkur þrep. Hver þráir það ekki?