Einkaþjálfarinn Arnar Grant og fyrrverandi eiginkona hans, Kristín Hrönn Guðmundsdóttir hagfræðingur í Íslandsbanka, hafa sett einbýlishús sitt í Arnarnesinu á sölu. Þau festu kaup á húsinu 2011 og hafa síðan þá gert húsið upp, skipt um innréttingar og fleira. Hjónin fóru í sitthvora áttina fyrr á þessu ári eftir að samband Arnars og Vítal­íu Lazareva kom upp á yfirborðið. 

Frétt af mbl.is

Arnar Grant skilinn

Húsið í Arnarnesinu er stórt og mikið en það var byggt 1990. Það er 293 fm að stærð og með fallegu sjávarútsýni. Húsið er svolítið Svissneskt í útliti að utan með miklu tréverki en hönnunin er ekki ólík húsunum í Ölpunum. Gæti jafnvel verið í Engelberg í Sviss. Þegar inn er komið tekur nútíminn völdin með splunkunýrri hönnun Sæju innanhússhönnuðar. Hún sá um að teikna nýtt eldhús inn í húsið en þar er að finna veglega innréttingu sem er með súkkulaðibrúnum viðarhurðum og frekar grófum borðplötum úr steini. Úr eldhúsinu er gott útsýni út á sjó og á efri hæðinni er mikil lofthæð enda hallandi þak á öllu húsinu. 

Eins og sjá má á myndunum inni á fasteignavef mbl.is er húsið afar fallegt og reisulegt. 

Af fasteignavef mbl.is: Súlunes 17

Tengdar fréttir

Heimili

Bústaður biskups seldur á 360 milljónir

• Áshildur keypti íbúð Björns Zoëga
• Félag viðskiptakonu keypti bústað biskups
• Ísold og Una selja íbúðina í Álfheimum
• Tignarlegt útsýnishús við Elliðaárdal með tveimur aukaíbúðum

» Fleiri tengdar fréttir

• Blogga um frétt