Sýningin HÚH! var frumsýnd í Borgarleikhúsinu á föstudaginn. Um er að ræða sýningu leikhópsins RaTaTamm sem hefur á skömmum tíma orðið þekktur fyrir afgerandi sýningar. Guðrún Sóley Gestsdóttir sem starfar hjá RÚV mætti á sýninguna ásamt Ásdísi Auðunsdóttur. Halldóra Geirharðsdóttir var líka á frumsýningunni og líka Karl Ágúst Úlfsson sem eitt sinn var í Spaugstofunni. 

„Hver er ég? Er ég það sem ég held að ég sé? Eða það sem þú heldur að ég sé? Er ég kannski bara það sem ég held að þú haldir að ég sé? Í sturlaðri von um að vera nógu æðisleg, sexí, fyndin og þroskuð engjumst við um í baráttunni við ófullkomleikann. Við finnum fiðringinn þegar við hljótum viðurkenningu umhverfisins en fyllumst einmanaleika og skömm þegar við afhjúpum okkur. Er ég nógu góð? Er ég best? Er ég yfirhöfuð eitthvað án tungumáls, kyns, þjóðernis...og vegabréfs? HÚH,“ segir á vef Borgarleikhússins um sýninguna.