Hárgreiðslumeistarinn Theodóra Mjöll fagnaði útkomu bókar sinnar Hárbókin á Kolabrautinni í Hörpu í gær. Um er að ræða hennar aðra bók sem fjallar um hár en hún starfar á hárgreiðslustofunni Barbarellu Coiffeur. Theodóra er ekki bara hárgreiðslukona því hún er líka vöruhönnuður.
Útgáfuboðið var upp á tíu en boðið var upp á huggulegar veitingar og svo var sérstakur sjampóbar frá Davines þar sem gestirnir gátu blandað sín eigin sjampó.
Theodóra prýddi forsíðu Smarlandsblaðsins á dögunum:
„Ég finn þessa sköpunarþörf eins og litlar nálar sem stinga mig stöðugt að innan og þurfa að komast út. Eins fannst mér svo frelsandi að geta menntað mig með því að búa til eitthvað í höndunum. Þar sem flestir í kringum mig hafa menntað sig í heilbrigðisvísindum fannst mér áhugavert að geta lært eitthvað sem mér fannst skemmtilegt og skapandi. Ég uppgötvaði að það mætti hafa gaman og læra á því sviði. En ég fékk þá tilfinningu þegar ég var búin að mennta mig tengt hárgreiðslunni að það væri eitthvað við það fag sem væri heftandi fyrir mig. Mig langaði að halda áfram að þróa mig sem hönnuð og fann þá vöruhönnunarnámið hjá Listaháskólanum.“