Það var fjör á Hamborgarafabrikkunni þegar fótboltastjarnan Sara Björk Gunnarsdóttir fagnaði því að vera komin með sína eigin borgara á matseðil staðarins. Samstarf Söru Bjarkar og Hamborgarafabrikkunnar hófst í september 2020 og frá þeim tíma hefur fótboltastjarnan smakkað ótal borgara til að finna sinn takt. Þegar draumaborgarinn var fundinn útfærði Eyþór Rúnars kokkur hamborgarann svo hann yrði alveg eins og hún vildi hafa hann.
Til þess að fagna þessum tímamótum bauð Sara Björk vinum og fjölskyldu að fagna með sér.
Kórónuveiran hafði töluverð áhrif á samstarfið en svo kom Sara Björk óvænt heim með lítinn bumbubúa og vegna óléttu verður hún á Íslandi næstu mánuði.