Eva Dögg Sigurgeirsdóttir einn af eigendum Bakó Ísberg bauð í Kampavínsteiti á föstudaginn var. Stefán Einar Stefánsson eigandi Kampavínsfélagsins kom og fræddi veislugesti um Piper kampavínið sem var uppáhaldskampavín Marilyn Monroe. 

Eva Dögg segir í samtali við Smartland að boðið hafi verið haldið til þess að fagna afléttingum og sumarinu. Áslaug Arna Sigurbjörnsdóttir dómsmálaráðherra var sérstakur gestur í boðinu og segir Eva Dögg að það hafi verið við hæfi. 

„Veturinn er búinn að vera þungur og erfiður í þessu COVID ástandi og þess vegna fannst manni svo frábært að fá Áslaugu Örnu til að koma og ræða um framhaldið og hvað það sé bjart framundan. Hún er svo jákvæð og klár,“ segir Eva Dögg.