Rithöfundurinn Rut Guðnadóttir var að gefa út splunkunýja bók, Drekar, drama og meira í þeim dúr. Í tilefni af útgáfunni hélt hún glæsilegt boð. Fjölskylda og vinir fögnuðu með Rut en þar á meðal var faðir hennar, Guðni Th. Jóhannesson, forseti Íslands. 

Rut skrifar ekki bara bækur því hún vinnur við að kenna menntaskólanemum íslensku, hún elskar hryllingsmyndir og ketilbjöllur. Hún kann ekki að tjalda, verður reið þegar hún spilar tölvuleiki og er alltaf kalt á tánum. 

Drekar, drama og meira í þeim dúr fjallar um Millu, Rakel og Lilju og þeirra viðburðaríka líf. Þeirra helstu vandamál eru að eiga foreldra og hvernig eigi að díla við það í öllum ævintýrunum sem þær eru að fást við.