Kvikmyndaleikstjórinn Hannes Þór Halldórsson og eiginkona hans Halla Jónsdóttir létu sig ekki vanta þegar mathöllin Vera opnaði í Grósku í Vatnsmýri á föstudag. Mikið var um dýrðir í höllinnni á föstudag þegar mathöllin opnaði. 

Björn Bragi Arnarson og Hafsteinn Júlíusson standa að baki mathallarinnar, en Hafsteinn sá einnig um hönnun hennar ásamt hönnunarstofu sinni, HAF Studio. 

Í Veru eru átta veit­ingastaðir. Pünk Fried Chicken sem hef­ur starfað í Gróður­hús­inu í Hvera­gerði, pizz­astaður­inn Na­tal­ía úr Borg29 og vín­bar­inn og kaffi­húsið Mikki Ref­ur af Hverf­is­götu. Hinir fimm staðirn­ir eru nýir en þar er um að ræða mexí­kóska staðinn Caliente, Bang Bang sem sér­hæf­ir sig í asísk­um mat, súp­ustaðinn Næru, morg­un­verðarstaðinn Stund og loks Furu sem er nýr staður í eigu verðlauna­kokks­ins Den­is Grbic.