Er hann of ungur?

Kona sem átti í stuttu ævintýri með yngri manni leitar ráða ráðgjafa ELLE, E. Jean.

„Kæra E. Jean, ég bý í New York-borg og er í stæðilegu starfi. Í gærkvöldi kom ég heim úr vinnuferð frá San Francisco og var þreytt eftir flugið. Ég pantaði flösku af viskí frá áfengisverslun í nágrenninu. Strákurinn sem kom með flöskuna var heitur – massaður, með tattú, David Bowie-kinnbein og græn augu. Ég teygði mig í veskið mitt en fattaði að ég væri ekki með reiðufé á mér. Svo ég bauð honum inn í viskí. Við stunduðum ekki kynlíf en við gerðum hér um bil allt annað, bara eins og í framhaldsskóla. Sem hann man líklegast eftir því hann er aðeins 24 ára. Ég er 49 ára.

Vandamál númer 1: Hann var að senda mér SMS og vill hitta mig aftur.

Vandamál númer 2: Ég hef ekki stundað kynlíf í 2 ár.

Vandamál númer 3: Ég get ekki litið það vel út. Er hann bara að reyna að eiga eina stutta kvöldstund með mér?“

„Elskan mín, að sjálfsögðu er hann að reyna það... og ég elska hann fyrir það. Því af öllum viskí, brandí, rom, vodka og gin kokteilum í heimi, er kokteillinn „eldri kona eltir yngri mann“ sá sætasti. Ástarævintýri ykkar verður stutt. Þar af leiðandi verður það frábært. Svaraðu SMS-inu hans. Stundum þarf kona að sleppa því að ofhugsa. Hverju ertu að bíða eftir? Eftir yngri manni?“

Það getur ýmislegt gerst eftir glas af viskí. Pexels

• Blogga um frétt