Breytt mataræði hefur ekki bara áhrif á hvað þú borðar og mögulega hvernig þú lítur út. Breytt mataræði getur nefnilega haft áhrif á ástalíf fólks. Ketó er eitt vinsælasta mataræðið í dag en samkvæmt Men's Health getur verið erfitt að fara á stefnumót á mataræðinu eins og fólk hefur komist að og deilt á netinu.
Rökrætt um ketó
Maður á ketó lenti í vandræðum á stefnumóti við hjúkrunarfræðing. Hjúkrunarfræðingurinn reyndi að útskýra fyrir honum að líkaminn þyrfti ákveðið mikið magn af kolvetnum á dag til að starfa. Samræðurnar urðu ekki skárri þegar hann reyndi að tala um jákvæð áhrif föstu.
Það gæti verið ágætt að ræða ekki ketó og föstur á fyrsta stefnumóti.
Hætti að fara á stefnumót
Annar netverji á ketó-mataræðinu sagðist vera til í að fara á stefnumót ef það væri til sérstök ketó-stefnumótasíða. Að byrja með nýrri manneskju og þurfa að útskýra ketó hljómaði eins og of mikið vesen.
Svo er spurning hvort hin eina sanna muni ekki bara taka því mataræði sem ástin í lífi henar er á.
Erfitt að panta mat og drykki
Stefnumót snúast oft um að borða og drekka. Eins og einn benti á veit hann hvað hann borðar en það getur verið erfiðara að panta matinn. Þarf hann að útskýra ketó fyrir þjóni og manneskjunni sem hann er með á stefnumóti? Hafði hann lent í því að tala við þjón í 20 mínútur til þess að komast að því hvaða bjór væri án glútens.