Elínrós Líndal, einstaklings- og fjölskylduráðgjafi, svarar spurningum lesenda. Hér fær hún bréf frá konu sem er tilbúin að gera eitthvað nýtt þegar kemur að ástinni.
Sæl,
Nú stend ég á tímamótum í mínu lífi. Ég er 49 ára og búin að vera ein í 16 ár en langar að breyta til og opna fyrir þann möguleika að finna mér maka.
Ég hef verið mjög lítið á „date“ markaðinum og hef í raun lítið gefið færi á mér. Mín tilfinning hefur verið sú að í þau fáu skipti sem ég hef slegið til og hitt einhvern hafa málin iðulega farið í sama farið. Ég virðist draga að mér menn sem henta ekki mínum persónuleika og eru alls ekki á sama stað og ég í lífinu.
Þessu mynstri langar mig að breyta. Það er ljóst að ég þarf að prófa aðrar leiðir til að fá aðra og betri niðurstöðu. Þá komum við að þeirri spurningu hverju á ég að breyta? Hvað þarf ég að gera til að finna það sem ég er að leita að?
Ég tel mig vera tilbúna en vantar góða ráðgjöf.
Kveðja, S
Sæl S
Það er gaman að fá þetta bréf frá þér. Ég myndi ráðleggja þér að koma á þriggja tíma námskeið hjá mér í litlum hóp þar sem þú getur speglað þig í fleira fólki á þínum stað. Síðan gætum við unnið saman tvær í framhaldinu.
Ég er á því að ef við sveltum okkur af ástinni, þá upplifum við ákveðið heilbrigði þá sér í lagi ef við höfum verið í samböndum sem við gætum flokkað sem léleg sambönd fyrir okkur. Hins vegar ráðlegg ég fólki á þessum tíma að vinna í tilfinningum sínum.
Raunverulegur bati á tilfinningasviðinu er þegar okkur líður vel einar, en þorum að fara á eftir því sem okkur langar. Öll samböndin í lífi okkar eru að reyna að kenna okkur eitthvað.
Til að geta átt í góðu ástarsambandi tel ég mikilvægt að:
Ef þú gerir ráð fyrir því að þú hafir verið að gera þitt besta alltaf og herramennirnir í þínu lífi líka getur þú fengið inn í kerfið þitt það sjálfsmildi og kærleika sem þú þarft í upphafi svona ferðalags. Hins vegar er alltaf gott að sjá hvað veröldin er að reyna að kenna okkur í gegnum sambönd sem hafa ekki gengið upp.
Ég hef hug á að halda stutt námskeið á næstunni, svo ef þú ert tilbúin að vinna í þér, sendu mér þá línu HÉR.
Á námskeiðinu skoðum við hugmyndir okkar um ástina, mörk og markaleysi, fjöllum um hvað fer vanalega úrskeiðis í samböndum og tölum um traust og heiðarleika. Síðan setjum við markmið fyrir framtíðina. Eins fjalla ég stuttlega um karl- og kvenorkuna.
Ég vonast til að sjá þig á þessu námskeiði. Þú átt svo sannarlega skilið að fara í heilbrigt og gott samband.
Kær kveðja, Elínrós.
Liggur þér eitthvað á hjarta? Þú getur sent Elínrós spurningu HÉR.