Kynlífssérfræðingurinn Dr. Robin Milhausen greinir frá því á vef Prevention hvernig má fara að því að gera kynlífið betra með forleik. Milhausen hefur rannsakað málið og benda niðurstöður til þess að 15 mínútur af einhverju öðru en samförum leiði til betra kynlífs.
Kossar
Milhausen mælir með kossum og segir kossa vanmetna í kynlífi. Mælir hún með því að nota kossa til þess að byggja upp stemmingu fyrir á annars konar forleik.
Notaðu hendurnar
Milhausen segir fólki að vanmeta ekki að snerta hvort annað. Hendurnar geta skapað mikla nautn í forleik. Að nota hendurnar segir hún vera góða leið til þess að læra hvað fólk vill.
Nýjar stellingar
Að prófa nýjar stellingar er ekki bara spennandi þegar kemur að samförum. Í forleiknum er til að mynda hægt að prófa að sitja hlið við hlið. Hún mælir einnig með að liggja í skeiðinni en stellingin er fullkomin þar sem fólk getur verið í stellingunni lengi. Í stellingunni hefur fólk gott aðgengi að brjóstum, bringu og kynfærum.
Ekki gleyma munnmökum
Það er gott að gefa og þiggja í munnmökum. Milhausen mælir með að fólk hafi ekki áhyggjur af neinu nema að njóta þegar það er að þiggja. Mikilvægt er þó að skiptast á og þegar ákafinn er orðinn of mikill er hægt að hefja samfarir.
Sleipiefni
Sum pör vilja meina að þau þurfi ekki sleipiefni. Milhausen vill þó meina að sleipiefni geri allt betra. Gott er að nota sleipiefni þegar kynfæri eru örvuð í forleik.
Kynlífsleikföng
Rétt eins og með sleipiefni geta hjálpartæki ástarlífsins gert forleikinn betri. Milhausen segir að konur sem nota titrara séu líklegri til að segja að síðasta sjálfsfróun hafi verið góð en þær sem ekki nota titrara.