Forsetafrú Íslands, Eliza Reid, leggur upp úr því að vera fallega klædd en líka hagsýn og umhverfisvæn. Hún klæddist glæsilegum bleikum kjól þegar hún og eiginmaður hennar, Guðni Th. Jóhannesson forseti Íslands tóku á móti Frank-Walter Steinmeier, forseta Þýskalands, og frú Elke Büdenbender á Bessastöðum. Áður en boðið var til Hátíðakvöldverðar á Kolbrautinni í Hörpu buðu forsetahjónin gestunum á Bessastaði þar sem Víkingur Heiðar Ólafsson lék fyrir gesti.

Þegar Eliza Reid er spurð út í bleika kjólinn kemur í ljós að hann er keyptur í verslun Rauða krossins. 

„Mér finnst bara gott að styrkja góð málefni og líka sýna að það er hægt að finna allskonar góð og falleg föt hjá Rauða krossinum,“ segir Eliza Reid og bætir við: 

„Við eigum svo mikið af fötum og þurfum ekki endilega svona mikið. Þetta er til dæmis góð leið til að vera kannski meira umhverfisvæn líka. Það getur vel verið að ég muni gefa kjóllinn svo aftur til þeirra svo einhver annar geti notað hann,“ segir hún í samtali við Smartland.

Frétt af mbl.is

Forsetar spenntir fyrir ferðalagi

Tengdar fréttir

Fatastíllinn

Hlaðvarpsstjarna gekk í það heilaga í Mexíkó

• Hver var í ósamstæðum sokkum á Alþingi?
• Þetta vilja töffarar landsins fá í sumargjöf
• Milla Ósk og Pattra klæddust eins kjólum
• 10 hugmyndir að sumargjöfum frá þér til þín

» Fleiri tengdar fréttir

• Blogga um frétt