Staðurinn sem knattspyrnumaðurinn Gylfi Þór Sigurðsson og Al­ex­andra Helga Ívars­dótt­ir dvelja á í brúðkaupsferðinni er dásamlegur. Staðurinn heitir One & Only og er einn vinsælasti staðurinn fyrir hina frægu og ríku þessa dagana. 

Á vef One & Only má sjá að hótelið er á besta stað á einni stærstu eyju í norður Malé Atoll. Hótelið er staðsett 700 km suðvestur af Sri Lanka, þar sem ströndin er hvít og Indlandshafið eins fallegt og menn gætu hugsað sér. 

Hægt er að velja á milli strandar-villu sem er rúm 135 fm að stærð og vatns-villu sem stendur út á vatninu og er 149 fm að stærð. Síðan er 2.400 fm villa með öllum aðbúnaði og einkavilla sem er svipuð að stærð en með sér strönd, 50 fm sundlaug og fleiru sem einungis þeir allra frægustu gista í. Minnsta herbergið á hótelinu kostar rúmar 200 þúsund krónur nóttin en dýrasta villan kostar yfir 3 milljónir króna á dag. 

Á One & Only er boðið upp á SPA meðferðir af bestu gerð og allskonar íþróttaiðkanir sem halda fólki í formi og búa til ánægjulegar stundir. Hjólareiðar sem dæmi eru vinsælar á þessum stað. 

Fyrir brúðhjón er hægt að panta sérstaka þjónustu, meðal annars nudd fyrir báða aðila á sama tíma í fögru umhverfi. 

Maturinn á staðnum er fyrir þá allra kröfuhörðustu og er blanda af hollum mat og góðu fiskfangi vinsælt svo eitthvað sé nefnt. Fegurðin er fólgin í útliti matarins, skammtastærðirnar eru hæfilegar og hráefnið fyrsta flokks. 

Sjávarlífið á eyjunni er einstakt. Að sjá syndandi skjaldböku í sjónum er sem dæmi algengt. 

Tengdar fréttir

Brúðkaup

Fögnuðu brúðkaupsafmælinu með hálfu maraþoni í Köben

• Leynibrúðkaup Árna Odds og Kristrúnar
• Tvö ár af hjónabandssælu
• Björn Zoëga kvæntist ástinni á ítalskri eyju
• Magnús Geir er yfir sig ástfanginn

» Fleiri tengdar fréttir

• Blogga um frétt