Athafnakonan Birgitta Líf Björnsdóttir hélt lítið einkasamkvæmi á skemmtistaðnum B5 í gærkvöldi. Var þetta eitt fyrsta einkapartíið sem haldið er á skemmtistaðnum sem Birgitta ætlar að endurreisa í sumar. Áslaug Arna Sigurbjörnsdóttir dómsmálaráðherra var á meðal gesta og ræddi þar við ungt fólk um pólitíkina.

Áslaug sækist eftir fyrsta sæti á lista Sjálfstæðisflokksins í Reykjavík en prófkjörið fer fram 4. og 5. júní.

Birgitta deildi myndbandi af partíinu á Instagram í gærkvöldi og endurbirti Áslaug það hjá sér og skrifaði við: „Gaman að fá boð að hitta ungt fólk og ræða pólitíkina.“

B5 við Bankastræti 5 í miðborg Reykjavíkur hefur verið einn vinsælasti skemmtistaður landsins undanfarin ár. Vegna heimsfaraldursins var honum lokað á síðasta ári og hefur ekki verið opnaður aftur. Greint var frá því í byrjun mánaðar að Birgitta Líf væri komin með lyklana að staðnum og stefndi að því að opna hann í sumar. 

Frétt af mbl.is

Birgitta Líf fetar í fótspor foreldra sinna

Skjáskot/Instagram

Tengdar fréttir

Framakonur

„Vinnan er stór hluti af minni sjálfsmynd“

• Prentaði út umsóknina og sagði upp vinnunni
• „Ég viðurkenni að það var alveg stress í maganum“
• Góð ráð fyrir vini sem stofna saman fyrirtæki
• „Þetta var bara alveg sturlað og eiginlega súrrealískt“

» Fleiri tengdar fréttir

• Blogga um frétt