Kourtney Kardashian birti mynd af sér á Instagram á dögunum í síðum kjól með tígrisdýramynstri. Systir hennar Kim Kardashian hefur einnig klæðst kjólnum sem er sérstakur fyrir þær sakir að hann er með loðinni rófu að aftan.
Kourtney Kardashian benti á að um gamla mynd væri að ræða en systir hennar Kim Kardashian birti mynd af sér í janúar í kjólnum. Kjóllinn á sérstaklega vel við núna enda sjaldan verið talað jafn mikið um tígrisdýr og akkúrat núna, þökk sé heimildaþáttunum Tiger King á Netflix.
Kjóllinn var þó hannaður löngu áður en að þættirnir umtöluðu fóru í sýningu. Kjólinn hannaði Roberto Cavalli og birtist kjóllinn á tískupallinum haustið 2000. Á 20 ára sögu kjólsins hefur Cindy Crawford hefur sést í einum slíkum sem og Drea de Matteo í þætti af The Sopranos.
Margir tengja Kardashian-fjölskylduna við neysluhyggju en Kim Kardashian má þó eiga það að hún hefur verið dugleg að nota gamla kjóla eins og sjá má hér að neðan.