Arna Björk Kristinsdóttir, húðlæknir á Húðlæknastöðinni, svarar spurningum lesenda Smartlands. Hér fær hún spurningu frá konu með útbrot. 

Sæl. 

Ég er orðin rúmlega 60 ára og fékk ávísað kólesteróllækkandi lyfi. Í framhaldi af því fékk ég útbrot á bakið. Hætti að taka inn lyfið en er komin með exem á bakið. Hvað get ég gert í því?

Kær kveðja,

Guðbjörg

Arna Björk Kristinsdóttir húðlæknir hjá Húðlæknastöðinni svarar spurningum lesenda.

Sæl 

Mikilvægast er að þú sért hætt að taka lyfið, ef það er lyfið sem orsakaði útbrotin. Við exeminu sem þú ert komin með núna er gott að bera rakakrem á húðina daglega. Það dugir stundum eitt og sér til að draga úr kláða og ertingu í húð. Ef þú ert hins vegar með mikinn roða og þrota í húðinni þarftu líklegast sterakrem tímabundið. Flest sterakrem eru lyfseðilsskyld og því þarftu að fá tíma hjá heimilislækni eða húðlækni til að fá ávísun. 

Gangi þér vel með þetta! 

Bestu kveðjur, 

Arna Björk Kristinsdóttir húðlæknir. 

Liggur þér eitthvað á hjarta? Þú getur sent Örnu Björk póst HÉR. 

Tengdar fréttir

Spurðu húðlækninn

Hvernig getur móðir brúðarinnar frískað upp á sig?

• Er þetta rósroði eða eitthvað allt annað?
• Hvernig er hægt að losna við poka undir augum?
• Eldist fólk hraðar sem vinnur fyrir framan tölvu?
• Er hægt að laga húðskemmdir eftir ljósabekki?

» Fleiri tengdar fréttir

• Blogga um frétt