Hertogahjónin Harry og Meghan höfðu sig til fyrir viðtal á Zoom á dögunum. Meghan var skvísuleg í brúnum toppi og brúnum pleðurbuxum. Buxum eins og þessum klæddist hún ekki opinberlega á meðan hún var í bresku konungsfjölskyldunni.
Skvísubuxurnar voru frá Stellu McCartney og eru úr gervileðri en bítilsdóttirin er þekkt fyrir að nota ekki dýravörur í hönnun sinni. Pleðurbuxurnar eru beinar en með háu mitti. Þær eru fáanlegar í vefverslun Farfetch og kosta 565 pund eða um hundrað þúsund krónur.
Meghan var falleg í haustlegum fatnaði. Við skvísubuxurnar var hún í kamellituðum gellubol. Bolurinn, sem er langerma með öðruvísi hálsmáli, er frá Victor Glemaud.