Í dag dreymir margar konur um að vera með bústinn og stóran rass. Þessi þróun hefur staðið yfir í rúman hálfan áratug, eða frá því raunveruleikastjarnan Kim Kardashian West varð heimsfræg.

Konur fara mismunandi leiðir til þess að stækka rassinn, sumar hamast í ræktinni, aðrar borða meira og vona að fitusöfnun verði á téðu svæði, en aðrar leggjast undir hnífinn og láta sprauta fylliefnum eða fitu í rassinn til að hann verði bústnari. 

Í grein The Guardian um þróun rassins og rasslyftinga kemur fram að á heimsvísu hafi slíkum rasslyftingaaðgerðum, Brazilian butt lift, fjölgað á heimsvísu um 77,6% frá árinu 2015. Þessar aðgerðir eru sú grein innan lýtalækninganna sem hefur stækkað hvað mest á heimsvísu undanfarin ár samkvæmt Society of Aesthetic Plastic Surgery.

Brasilíska rasslyftingin felur í sér að fita er tekin á einum stað í líkamanum og sprautað í rassinn. Aðrar aðgerðir sem gerðar eru til að lyfta rassinum fela í sér að fylliefni er sprautað í rassinn.

Tölurnar í sjálfu sér ættu ekki að koma á óvart þar sem það eina sem kona þarf að gera er að renna í gegnum samfélagsmiðla á borð við Instagram og sjá þar hvar stórum og bústnum rössum er hampað. 

En hin brasilíska rasslyfting er ekki bara vinsæl aðgerð, hún er líka sú hættulegasta í heimi. Samkvæmt ritrýndri grein í Aesthetic Surgery Journal kemur fram að 3% af þeim 692 lýtalæknum sem tóku þátt í rannsókninni hafi misst sjúklinga sína eftir slíka aðgerð. Um einn af hverjum 3 þúsund sem fara í aðgerðina deyja eftir hana. 

Frétt af mbl.is

Af hverju eru stórir rassar í tísku?

Kim Kardashian. Skjáskot/Instagram

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt