Verðlaunavertíðin hófst formlega í nótt þegar Golden Globe-verðlaunin voru afhent. Fáir mættu í eigin persónu en fötin voru ekki af verri endanum þrátt fyrir að margar stjörnur væru viðstaddar í gegnum fjarfundarbúnað. Stjörnurnar skörtuðu sínu allra fegursta eins og sjá má á myndum hér fyrir neðan.
Nicole Kidman var heima hjá sér og klæddist kjól frá Louis Vuitton.
Leikkonan úr Drottningarbragði, Anya Taylor Joy, klæddist grænum kjól frá Christian Dior. Hún mætti ekki á svæðið frekar en aðrar stjörnur sem tóku við verðlaunum.
Leikkonan Viola Davis klæddi sig upp fyrir fjarhátíð í einstaklega fallegum kjól frá Lavie by CK.
Leikkonan Kate Hudson var töffaraleg í kjól frá Louis Vuitton. Beltið gerði útslagið.
Emily in Paris-stjarnan Lily Collins var flott í litríkum kjól frá Saint Laurent.
Gul jakkaföt frá Maison Valentino fóru leikaranum Dan Levy úr Schitt's Creek vel.