Sænska konungsfjölskyldan birti nýjar myndir af Viktoríu krónprinsessu á dögunum á samfélagsmiðlum sínum. Prinsessan var heiðruð af hinsegin tímaritinu QX. Galakvöldið fór þó ekki fram vegna faraldursins en krónprinsessan klæddi sig í sitt fínasta púss. 

Eins og sannur Svíi var Viktoría klædd í fallegan tjullkjól frá H&M þegar hún þakkaði fyrir sig. Myndirnar voru teknar á heimili prinsessunnar í Haga-höllinni. Síðkjóllinn er hluti af Conscious-fatalínu sænska móðurskipsins, en fatalínur undir þessu nafni eru gerðar úr endurunnum efnum. 

Fyrirsæta í græna síðkjólnum frá H&M. Ljósmynd/H&M

Íburðarmiklir síðkjólar eru áberandi þegar mikið liggur við hjá kóngafólki. Kjólarnir kosta oft annan handlegginn en ekki í þessu tilviki. Græni tjullkjóllinn kostaði 199 pund eða um 35 þúsund íslenskar krónur. Er það töluvert meira en hefðbundinn kjóll frá H&M en minna en margir hátískukjólar í safni kóngafólksins. Kjóllinn er uppseldur. 

Ljósmynd/H&M

Tengdar fréttir

Kóngafólk í fjölmiðlum

Ný stytta afhjúpuð af Elísabetu II. drottningu

• Lúðvík prins fagnar sex árum
• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni

» Fleiri tengdar fréttir

Fatastíllinn

Hver var í ósamstæðum sokkum á Alþingi?

• Þetta vilja töffarar landsins fá í sumargjöf
• Milla Ósk og Pattra klæddust eins kjólum
• 10 hugmyndir að sumargjöfum frá þér til þín
• Laufey stórglæsileg á síðum Vogue

» Fleiri tengdar fréttir

• Blogga um frétt