Einn frægasti ilmur allra tíma, CHANEL N°5, fagnar 100 ára afmæli í ár. Gabrielle Chanel stofnaði tískuhúsið 1910 þegar hún opnaði verslun við 160 Boulevard Malesherbes í París ásamt Étienne Balsan. 

Chanel dýrkaði góða stemningu og lagði mikið upp úr því að næra öll skynfærin – ekki bara fegurðarskynið. 

Eftir mikla rannsóknarvinnu fann hún réttu samsetninguna og ilmurinn, CHANEL N°5, leit dagsins ljós. Hún vildi búa til ilm sem hún gæti úðað um allt, bæði á sjálfa sig og samferðafólk sitt. Þegar vel lá á henni úðaði hún ilminum á viðinn sem hún brenndi í arninum í íbúð sinni við 31 Rue Cambon í París. 

Í tilefni af 100 ára afmæli ilmsins hefur tískuhúsið CHANEL komið afmælisilmi á markað sem er í táknrænum hvítum umbúðum. Þær eru með upphleyptu lukkunúmeri Gabrielle Chanel sem var tölustafurinn 5. Hver flaska er svo innsigluð með tvöföldum C-stimpli sem er vísun í Chanel sjálfa.

Ef þig vantar hina fullkomnu jólagjöf fyrir hefðarköttinn í nærumhverfi þínu þá er þessi klassíski ilmur án efa málið.