„Skór og töskur er minn helsti veikleiki“
Setja bókamerki
Katrín Garðarsdóttir, aðstoðarverslunarstjóri Hjá Hrafnhildi og eigandi golffataverslunarinnar Golfa.is, er með klassískan og kvenlegan fatastíl. Katrín ákvað að stofna golffataverslun fyrir konur síðastliðið haust þar sem henni fannst úrvalið af fallegum golffatnaði mega vera betra.
Skór og töskur eru minn helsti veikleiki, einnig mætti segja að kjólar séu í uppáhaldi enda var bókin um prinsessuna sem átti 365 kjóla ein af mínum uppáhaldsbókum sem barn. Ég segi nú ekki að ég eigi svo marga kjóla en jú þeir eru nokkrir,“ segir Katrín þegar hún er spurð fyrir hverju hún falli oftast.
Áttu þér uppáhaldsmerki eða -hönnuð?
„Ég hef alltaf verið hrifin af fallegum kvenlegum kjólum og drögtum. Escada er til dæmis ofurfallegt og elegant merki. Ég keypti til dæmis í haust fallegan kjól frá þeim og bíð eftir tækifæri til að nota hann.“
Hvað finnst þér setja punktinn yfir i-ið þegar þú gerir þig til?
„Taska og skór, ekki verra ef settið er samstætt. Ég á voða erfitt með að vera ósamstæð, er svo mikil meyja.“
Hvað er í uppáhaldi í fataskápnum þínum?
„Nokkur pör af dásamlegum skóm og nokkrar töskur sem ég horfi stundum á en nota ekki oft.“
Bestu kaup sem þú hefur gert?
„Ein bestu kaup sem ég hef gert eru Stenströms-jakkapeysurnar, ég verð ekki leið á þeim. Þær eru dæmi um klassískar og tímalausar flíkur. Töskurnar mínar eru líka klassískar og gætu flokkast undir góð kaup.“
Katrín stofnaði nýverið golffataverslunina Golfa.is. Hún fékk hugmyndina síðastliðið haust þegar hún var í golfferð með manninum sínum.
„Mér hafði lengi fundist einsleitt úrvalið heima á golffatnaði og jafnvel sömu merkin til sölu í nokkrum verslunum. Ég rakst svo á eitt merkið sem ég er með, Tail Activewear, í verslun á golfvelli. Ég sendi fyrirspurn og kynnti mig og fékk svar næsta dag. Í nokkra daga gengu svo tölvupóstar á milli mín og umboðsmanns þar til að því kom að ég sagði við manninn minn að ég þyrfti að taka ákvörðun um að stökkva í laugina, sem ég gerði. Á sama tíma gafst mér tækifæri til að taka inn Golftini og Belyn Key og nú voru að bætast við virkilega vandaðar merínóullarpeysur frá Birdie London. Það er gaman að segja frá því að flest þessara merkja eru hönnuð af konum sem fannst eitthvað vanta á golfmarkaðinn fyrir konur. Fljótlega munu flott golfbelti verða í boði hjá golfa.is.“
„Þrátt fyrir að vera í nánast fullu starfi þá langaði mig að prófa að bæta við mig þessu konsepti. Það fer bara vel með starfi mínu enda er Golfa.is eins og fyrr segir vefverslun,“ segir Katrín. Þrátt fyrir að verslunin sé vefverslun býr hún vel og er með huggulega aðstöðu í bílskúrnum þar sem hún getur tekið á móti viðskiptavinum.
Golffatnaður skiptir marga miklu máli og þá er ekki bara talað um þægindin heldur líka útlitið. „Golffatnaður þarf að vera þægilegur. Flest golfföt eru úr pólýesterefnum með spandexi sem gerir fötin teygjanleg og gott að hreyfa sig í. Svo skiptir útlitið flesta golfara máli því að golffatnaður er líka tískuvara. Margir golfarar spara ekki við sig þegar kemur að fatnaði og græjum. Spilar maður ekki betur ef manni líður vel í flottum og þægilegum fatnaði? Heildarpakkinn skiptir máli, þú berð þig betur ef þú ert ánægð með þig.“
Hefur þú mætt í gallabuxum út á völl?
„Ég myndi aldrei mæta í öðru en golffatnaði út á völl. Meira að segja ef ég er áhorfandi á mótum finnst mér eitthvað skrítið við að vera í gallabuxum í þessu umhverfi. Ég er „all in“ hvað það varðar.“
Mesta tískuslysið þitt?
„Ég reyni að forðast slysagildrurnar en ef ég dett í þær reyni ég að losa mig við slysin, það vantar alltaf pláss í skápinn. Ég er yfirleitt ekki fljótfær í fatakaupum.“
Áttu þér tískufyrirmynd?
„Amma mín var alltaf svo fallega klædd og fylgdist með tískunni alla tíð, hún bjó í miðbænum og fór reglulega og skoðaði í búðirnar á Laugaveginum. Hún var líka svo flink að sauma og kenndi mér að horfa á frágang og gæði í fatnaði.“
Hvað er á óskalistanum fyrir vorið?
„Nú eru hæg heimatökin í golffatnaði, ég gæti alveg hugsað mér að fá mér flottar hvítar golfbuxur og peysu í stíl. Og fyrir þá daga sem verða ekki á golfvellinum væri fínt að fá sér nýjar gallabuxur, strigaskó og já eins og einn sumarlegan kjól, þá er ég tilbúin í sumarið.“
/frimg/1/29/32/1293273.jpg)
Ekki af baki dottinn og ætlar að opna B5 aftur
„Höfum ekki náð að skríða upp úr þeirri gryfju“
Skaut sex sinnum að feðginum á aðfangadagskvöld
Banna mengandi búnað sem leyfður er á Íslandi
Krefjast stöðvunar framkvæmda
Hvorki sést áður hér á landi né annars staðar
Strand skemmtiferðaskips kallar á erlenda aðstoð
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál